انسانی دماغ میں غیر ضروری مادوں کے اخراج کا نظام
طبی محققین کے مطابق انسانی دماغ میں غیر ضروری مادوں کو دماغ سے باہر نکالنے کا ایک بہت ہی مؤثر نظام موجود ہوتا ہے - یہ نظام انسانی دماغ کے تمام خلیوں کے فاسد مادوں کے اخراج میں معاون ہوتا ہے- طبی زبان میں اس نظام کو گلیمفٹک سسٹم کے نام سے جانا جاتا ہے- فن لینڈ کی ایک معروف یونیورسٹی کے محقیقین نے دماغ کی بہت ہی واضح تصویروں کے حصول میں کامیابی حاصل کی ہے
دماغ سے غیر ضروری اور فاسد مادوں کے اخراج کے لیے دماغ کی رگیں اور شریانیں سکڑتی اور پھیلتی ہیں- انسانی نظام تنفس بھی اس اخراج میں کلیدی کردار ادا کرتا ہے- اگر اس نظام سے فاسد مادوں کے اخراج میں کو رکاوٹ در پیش ہو تو اس سے دماغی امراض کے لاحق ہونے کے خدشے کو نظر انداز نہیں کیا جا سکتا- سائنس دانوں کے مطابق اس تحقیق نے انسانی دماغ کے متعلق نئی راہیں کھول دیں ہیں- مستقبل میں اس تناظر میں کافی اہم پیش رفت کی امید کی جا رہی ہے
No comments:
Post a Comment